Apple pie / Խնձորի բլիթ

Վերջապես պատրաստեցի մի բլիթ (պիրոգ), որը հենց ամուսնուս սրտովն էր, իսկ ասեմ Ձեզ նա շատ բծախնդիր է, այնպես որ կարող եք առխային փորձեք սարքելը:)))))

ԲԱՂԱԴՐՈՒԹՅՈՒՆԸ


Խմոր
200 գրամ կարագ
200 գրամ շաքարավազ
2 ձու
200 գրամ թթվասեր կամ մածուն
1թեյի գդալ սոդա
1 ճաշի գդալ քացախ
4-5 բաժակ ալյուր


Միջուկ
4-5 խնձոր
2 թեյի գդալ դարչին
2 ճաշի գդալ մեղր կամ 0.5 բաժակ շաքարավազ


1 ձու վրան քսելու համար

1. Խորը թասի մեջ լցրեք շաքարավազը, փափկեցված կամ քերած կարագի հետ հարեք:

2. Ավելացրեք ձուն, թթվասերի կամ մածունի վրա լցրեք քացախն ու սոդան և լավ հարելով լցրեք զանգվածի վրա:

3. Այնուհետև ավելացրեք 3-4 բաժակ ալյուր ու հունցեք սեղանի վրա, պետք է ստացվի պինդ խմոր, բայց այնպես որ մի փոքր կպչի ձեռքերին, որից հետո թողեք խմորը մի փոքր հանգստանա:

4. Այդ ընթացքում մենք կպատրաստենք միջուկը, որի համար կեղևազրկում ենք խնձորները, քերում, ավելացնում դարչինն ու մեղրը կամ շաքարավազը ու լավ խառնում:

5. Վերադառնում ենք մեր խմորին: Խմորի 1/3 մասը առանձնացնում ենք վերևի շերտի համար: Մյուս մասը մի փոքր գրտնակի օգնությամբ բացում ենք ու զգուշությամբ այն տեղադրում ենք նախապես ալյուրոտած թավայի մեջ ու զգուշությամբ տարածում խմորը թավայի մեջ: Վրան լցնում ենք մեր միջուկը ու հավասարաչափ տարածում խմորի վրա:

6. Այնուհետև խմորի մյուս մասը գրտնակում ենք կտրտում 2-3 սմ հաստությամբ զոլեր և դրանով ձևավորում ենք մեր պիրոգը: Կարող եք այլ կերպ ձևավորել: Այստեղ ձեր ֆանտազիային ազատություն տվեք: Այնուհետև խմորի վրա քսեք հարած ձուն ու դրեք 200 աստիճան տաք ջեռոցում:

7. Այն կթխվի մոտ 30 րոպե: Երբ կարմրի երեսը, համոզվեք, որ լավ եփվել է ու հանեք ջեռոցից: Թողեք այն սառչի ու կտրատելուց հետո այն մատուցեք

ԲԱՐԻ ԱԽՈՐԺԱԿ