Այս ուտեստը շատ-շատ համեղ է, ես գտա այս բաղադրատոմս-ն ինտերնետից, միայն այն բանի համար, որ տանը մեծ քանակությամբ նեխուր /քյարավուզ/ ունեի ու որոշեցի փնտրել դրան համապատասխան բաղադրատոմս: Գտա Չինական խոհանոցից, որի մեջ գնում էր սոյաի սոուս, բրնձի գինի և թարմ իմբիր, որոնք համարյա թե անհնարին է մեզ մոտ գտնել /չհաշված, որ ես չեմ սիրում սոյաի սոուսի համը/: Ես էլ որոշեցի այնուամենայնիվ սարքել այն, բայց, իհարկե, հայկական ձևով: Այն սարսափելի համեղ էր ստացվել, ես ուղղակի զարմացել էի ինձ վրա, որովհետև նախկինում այդպիսի համեղ բան չէի համտեսել և մանավանդ, որ դա ինքս էի պատրաստել/գերագույն հաճույք/:
