Putuke (Piti) / Պուտուկ (Փիթի)

ԲԱՂԱԴՐՈՒԹՅՈՒՆԸ /2-3 հոգու համար/

 200-350գ ոչխարի միս

 2 գլուխ սոխ 

1 լոլիկ

3-4 սև սալորաչիր

1-2 կարտոֆիլ 

3ճաշի գդալ սիսեռ

6 հատիկ սև պղպեղ

1 ճաշի գդալ համեմ

1ճաշի գդալ մաղադանոս

2 ճ. գդալ կտրատած անանուխի տերևներ

1.Սիսեռը թրջել 3-4 ժամ առաջ: Եթե ժամանակ չունեք, կարող եք եռացրած ջուր լցնել և 1 ժամից պատրաստ է լինում: Հետո հանել սիսեռի թեփիկները: Միսը լվանալ, կտրտել ոչ մեծ կտորների: Սոխը կտրտել կլոր-կլոր: Սև սալորի բացակայության դեպքում, կարելի է երկու կտոր կիտրոն վերցնել, կտա նույն թթվաշ համը: Ջեռոցը տաքացնել 190 ºС:

Ընդհանրապես փիթին պատրաստում են կավից փոքրիկ կճուճների կամ սափորիկների մեջ` առանձին-առանձին, մեկ անձի համար:

/Փիթին տնային պայմաններում կարելի է պատրաստել կաթսայի մեջ և մատուցել ափսեներում:/

2. Միսը, սիսեռը, սոխը, անանուխը լցնել կաթսայի մեջ, վրան լցնել 1լ եռացրած ջուր կափարիչով կամ փայլաթիթեղով փակել և 30րոպե  դնել ջեռոցը:

3. Կարտոֆիլը կտրտել մեծ կտորներով: Լոլիկը քառակուսի կտրտել և ավելացնել մսի վրա: Եփել 40 րոպե:

4. Անանուխի տերևները լվանալ, չորացնել և կտրտել: Կաթսան ջեռոցից հանելուց հետո ավելացնել անանուխը, կանաչին և թողնել 3 րոպե:

Մատուցել տաք վիճակում:

ԲԱՐԻ ԱԽՈՐԺԱԿ