Lahmajoun / Լահմաջո

Այս բաղադրատոմսով պատրաստելիս լահմաջոն շատ-շատ է ստացվում, մոտ 60-65 հատ, այդ իսկ պատճառով կարող եք պատրաստել կեսը, ես միշտ այդպես եմ պատրաստում և լավ է ստացվում:

ԲԱՂԱԴՐՈՒԹՅՈՒՆ

1 կգ ալյուր

400 գ. մածուն

1 կգ տավարի կամ ոչխարի միս

1 հատ գլուխ սոխ

2 հատ լոլիկ կամ 2 ճաշի գդալ տոմատի մածուկ

1 հատ կանաչ պղպեղ

200 գ. խառը կանաչի

աղ, սև պղպեղ, սխտոր

կես թեյի գդալ սոդա

ՊԱՏՐԱՍՏՈՒՄԸ

1. Ալյուրը լցնել բուրգի նման, մեջտեղում փոս անել, որտեղ լցնել տաք ջրով, սոդայով բացած մածուն և աղ, լավ խառնել, պինդ խմոր հունցել, ոչ մեծ գնդերի բաժանել և թողնել, որ բարձրանա մոտ 30 րոպե: 

2. Խճողակ պատրաստելու համար փափուկ միսը աղալ մսաղացով, ավելացնել մանր կտրատած կամ քերիչով անցկացրած գլուխ սոխ, կանաչի, ծեծած սխտոր, լոլիկ կամ տոմատ, սև պղպեղ, մանր կտրատած կանաչ պղպեղ և աղ:

3. Խմորի գնդերը գրտնակել 3 մմ հաստությամբ, 

վրան բարակ շերտով դնել մսի խճողակը և թխել լավ տաքացրած ջեռոցի մեջ 170-200 C:

Շատ համեղ է ստացվում, եթե խմորի վրա, մինչ խճողակը քսելը բարակ շերտով կարագ քսել:

Մատուցել տաք վիճակում:

ԲԱՐԻ ԱԽՈՐԺԱԿ