Cheese Tart / Պանրե Բլիթ /պիռոգ/

Այսօր ուզում եմ Ձեզ ներկայացնել հայրիկիս պատրաստած բլիթը /պիռոգը/: Ես շատ եմ սիրում, երբ հայրս մեեեեեեծ տրամադրությամբ սկսում է ինչ-որ համեղ բան պատրաստել, որն անպայման պետք է լինի նորություն ու տարբերվի մամայի սարքածից: Իհարկե այդ դեպքերում հիմնականում մենք` այսինքն տան կանայք, դառնում ենք իր օգնականները, որպեսզի մատուցենք իրեն պետք եկած տարրաները կամ սննդամթերքը /քանի-որ, ինչպես համարյա բոլոր տղամարդիկ, ինքը մեր խոհանոցում համարյա ոչնչի տեղը չգիտե/ : Շեղվեցի, խոսեմ բլիթից: Մեր բլիթը շատ հետաքրքիր պիռոգ էր :))), պանիրով, ես նրա խմորը շատ սիրեցի ու ինձ թվում է, որ այլ լցոններով էլ այն լավ կլինի,ինչպես նաև մրգերով ու քաղցրով:
ԲԱՂԱԴՐՈՒԹՅՈՒՆ /մոտ 10-12 կտոր/


2 բաժակ ալյուր
125 գրամ կարագ
100գրամ թթվասեր
2ձվի սպիտակուց
200գ կաթի սեր, սերուցք
250-300 գրամ շվեցարական պանիր
կարմիր պղպեղ, աղ

1, 1 բաժակ ալյուրը լցնում ենք սեղանին, ավելացնում ենք ողջ կարագը, մի փոքր աղ և ձեռքերով շաղախում:

2, Այնքան պետք է շաղախել, որ ստացվի խորիզի նման զանգված, ավելացնում ենք թթվասերը և լավ խմորը հունցում:

3, Հունցելուց հետո այն թողնում ենք մոտ 2 ժամ հանգստանա:

4, Հանգստացած խմորը գրտնակով բացում ենք. մոտ 0,7 մմ հաստությամբ ու ամենակարևորը ձեր թավայից մի քիչ մեծ:





5, Թավայի վրա կարագ կամ ձեթ քսեք ու խմորը զգուշությամբ տեղադրեք մեջը:

6, Առանջին թասի մեջ լցրեք ձվի սպիտակուցները, կաթի սերն ու քերած պանիրը ու լավ խառնեք, ավելացրեք 1 բաժակ ալյուր: Խառնելուց հետո ավելացրեք թավայի միջի խմորի վրա, վրան ցանեք կարմիր պղպեղ /կարմիր ախորժելի գույն ձեռքբերման համար/ և դրեք նախապես տաքացրած 200 աստիճան ջեռոցում մոտ 30 րոպե:

7, Երբ ամբողջապես այն կարմրի ու խմորը մի փոքր փոքրացած լինի կաղապարից, ուրեմն պատրաստ է այն, հանեք ջեռոցից, սպասեք մի փոքր սառչի, տեղափոխեք ափսեի մեջ ու մատուցեք: Կարող եք մատուցել և տաք և սառը վիճակում:

ԲԱՐԻ ԱԽՈՐԺԱԿ