Languette With Mushrooms / Սնկով Լանգետ

Այս լանգետը ես պատրաստում եմ ըստ իմ համի ճաշակի ու ինքը շատ համեղ է ստացվում:


ԲԱՂԱԴՐՈՒԹՅՈՒՆ /6-8 հոգու համար/


1 կգ տավարի փափուկ առանց ջիլերի միս
800 գրամ սունկ ցանկալի մեծ-մեծ
1 բաժակ դառը կարմիր գինի
3-4 ճաշի գդալ ձեթ
50գ կարագ

աղ և սև պղպեղ

1. Միսը կտրատել մոտ 10X5սմ չափով և 0.8սմ հաստությամբ:





2. Աղ և պղպեղ ցանել մսի վրա ու լանգետի ծեծիչով ծեծել, կարող եք վրան միանգամյա օգտագօրծվող /одноразовый/ տոպրակ դնել, որ մսի ծվենները շուրջբոլորը չթափվեն:





3. Այնուհետև թավան դրեք կրակին, ձեթը լցրեք մեջը ու սպասեք լավ տաքանա, որից հետո լանգետի կտորները տապակել: Տպակաեք այնպես, որ երկու կողմն էլ լավ կարմրի:







4. Տապակած միսը դասավորեք մեծ թավայի կամ ջեռոցի տարրայի մեջ ու վրան լցրեք գինին:







5. Սնկի ոտիկները առանձնացրեք և աղ ցանեք վրան:







6. Սունկը լցրեք մսի վրա, այնպես, որ փոսիկները տեսնեք, որպեսզի այդտեղ կուտակվի սնկի ջուրը, կարագը մանրացրեք ու լցրեք մասսայի վրա:







7. Ծածկեք տարրայի կամ թավայի բերանը ու դրեք կրակին կամ ջեռոցը 250 աստիճան: Երբ զգաք, որ սնկերը եփվել են ու գինին համարյա թե ներծծվել, ուրեմն մեր ուտեստը պատրաստ է: Մատուցեք տաք վիճակում: Կարող եք նաև ավելացնել քերած պանիր ու թողնել կրակին մինչ նրա հալվելը:

ԲԱՐԻ ԱԽՈՐԺԱԿ