Cake With 12 Eggs / 12 Ձվանի Տորթ

Գուցե թվա քեզ, որ սովորական բանա էլի էս ձվանի տորթ սարքելը, բայց ես մինչ վերջերս գիտեի, որ դա շատ դժվար է պատրաստել ու գերադասում էի գնել այս տիպի տորթերը, բայց ի վերջո որոշեցինք ինքնուրույն պատրաստել այն ու պատկերացրեք դժվար չէր, իսկ ամենագլխավորն ու հաճելին նրա ձևավորումն է ու երբ դա ձևավորեք վերջացնեք արդեն ձեր ուղեղում կունենաք հաջորդի ձևավորման գաղափարը: Ամսի 29-ին մեր Մերիի /եղբորս աղջկա/ խնունդն էր ու ես որոշեցի առիթը բաց չթողնեմ ու մամայիս համոզեցի, որ հենց մենք պատրաստենք տոնական տորթը, մանավանդ ես անընդհատ ուզում էի փորձել սերուցքային /slivki-ov/ կրեմը:

ԲԱՂԱԴՐՈՒԹՅՈՒՆ`

Խմոր

12 ձու

2բ /400գ/ շաքարավազ

2բ /400գ/ բարձր որակի ալյուր

1պտղունց վանիլին

40-50գ կարագ

Թարմացնող հեղուկ

0.75բ կոնյակ կամ լիկյոր

0.25բ ջուր

0.5բ շաքարավազ

Կրեմ

1տուփ /1լ/ կիսապատրաստի սերուցք

2բ շաքարի փոշի

1պտղունց վանիլին

1. Նախ 12 ձվերի սպիտակուցները առանձնացնել դեղնուցներից:

2. Սպիտակուցները հարիչով հարել այնքան, մինչև պնդանա ու ստացվի բեզե, բեզեին քիչ-քիչ, մոտ 1ճ գդալի չափով ավելացնել շաքարավազը ու լավ հարել:

3. Այնուհետև մի փոքր խառնել ձվի դեղնուցները և քիչ-քիչ /1ճգ/ավելացնել ստացված բեզեի վրա` փայտե գդալով  մասսան անընդհատ խառնելով:

4. Անընդհատ խառնելով փայտե գդալով` քիչ-քիչ ավելացնում ենք ալյուրը:

5. Վերջում լցնում ենք վանիլինը լավ խառնում ու մեր խմորն արդեն պատրաստ է: Վերցնում ենք 35-40սմ տրամագծով  և 13-18սմ խորությամբ թավա կամ կաթսա, պատում ենք նրա պատերն ու հատակը կարագով ու խմորը լցնում ենք մեջը:

6. Նախքան կաթսայի կամ թավայի կափարիչի ծածկելը նրա բերանը ծածկում ենք սրբիչով, ապա միայն դնում ենք կափարիչը:

7.  Այնուհետև կաթսան տեղադրում ենք շատ մարմանդ կրակին և լավ կլինի գազի աչքի վրա տեղադրվի մետաղյա մի պահպանիչ շերտ և հետո միայն կաթսան և թողնում ենք այն եփվի մոտ 2-3 ժամ: 2Ժամը լրանալուց հետո լուցկու չոփով կարող եք ստուգել այն եփել է թե ոչ: Խմորի պատրաստ լինելուց հետո վերցնել կրակից, թողնել 2 րոպե հանգստանա, այնուհետև դնել թաց սրբիչի վրա ու կաթսայի բերանը բացելով շուռ տալ պատրաստի խմորը: 

8. Թարմացնող հեղուկը շատ կարևոր է այս տիպի խմորների համար, այն խմորը թարմ և օդային է դարձնում, հեղուկւ բոլոր բաղադրիչները խառնել միմյանց, այնպես, որ դառնա մեկ զանգված ու դնել մի կողմ:

9. Կրեմը պատրաստելու համար ես ընտրել էի սերուցքայինը, բայց այս տորթի համար կարելի է պատրաստել ցանկացած տեսակի կրեմ /բեզե, ծանր կարագով և այլն/: Սերուցքայինի համար, նախ սերուցքային կիսապատրաստի կրեմի ինստրուկցիան է պետք ընթերցել, օրինակ տվյալի տուփի վրա նշված էր, որ այն օգտագործելուց առաջ պետք է նվազագույնը 12 ժամ այն թողնել սառնարանում 5-10 աստիճանի տակ և հետո միայն օգտագործել: Հեղուկ սերուցքը լցնել խորը թասի մեջ ու սկսել հարել հարիչով, այն քիչ-քիչ պնդանալու է և երբ ստանաք կրեմի թանձրություն քիչ-քիչ ավելացրեք շաքարի փոշին, կարող եք հարելու ընթացքում համը ստուգել, և ըստ ձեր քաղցրության ճաշակի լցնել այն, վերջում ավելացնել վանիլինը: Շատ արագ է այն ստացվում:

10. Կրեմի պատրաստելուց հետո անցնում ենք ձևավորմանը: Նախ կտրում ենք մեր խմորի շերտը երկու մասի, ու ամեն բաց մասի վրա լցնում հավասարաչափ մեր թարմացնող հեղուկը: Եթե տորթը ձևավորելու եք ուշ, ուրեմն հեղուկը քսեք ու թողեք այդպես մնա, որ խմորը փափուկ մնա: Ձևավորեք ըստ ձեր ճաշակի տորթը ու մինչ մատուցելը այն պահեք սառնարանում:

ԲԱՐԻ ԱԽՈՐԺԱԿ