Chikcen Roll From Ann/ Հավի ռուլետ Աննայից

Այս ռեցեպտը ինձ ուղարկել է իմ շատ սիրելի նոր քույրիկն ԱՄՆ-ից` Աննան: Ինչու նոր, որովհետև ես նրան ձեռք եմ բերել իմ ամուսնության շնորհիվ))) Աննան Արթուրի քույրն է, հիմա կներկայացնեմ իր առաջարկած բաղադրատոմսը.
- Քանի որ իմ աղջիկը շատ է սիրում հավ և սունկ,- ասում է Աննան- ես որոշեցի այնպիսի բան պատրաստել, որ համեղ լինի, ինչպես նաև  հետաքրքիր լինի պատրաստման պրոցեսը, քանի որ մենք միասին ենք պատրաստում, այս ռեցեպտն իմ իմպրովիզն է.



Բաղադրությունը`

3 հատ հավի կրծքամիս
300գ սունկ /ցանկալի է շամպինիոն/
1գլուխ սոխ
100գ կարագ
100գ լոռի պանիր կարելի է և հոլանդական ըստ ճաշակի
աղ և սև պղպեղ
Հավի կրծքամիսը լավ ծեծում ենք լանգետի ծեծիչով, որ այն ունենա 0.5-1սմ հաստություն, 




1. Նախօրոք եփում ենք սունկը:

2. Սոխն ու սունկը կտրատում ենք, կարագը լցնում ենք կրակին դրված  թավայի մեջ և երբ այն հալվում է, ավելացնում ենք կտրատված սոխն ու տապակում մոտ 5 րոպե, այնուհետև ավելացնում ենք սունկը, աղը, պղպեղը և ևս 5 րոպե թողնում կրակին` պարբերաբար մասսան խառնելով:




3.Վերցնում ենք զանգվածը կրակից, թողնում, որ մի փոքր սառչի:

4. Սնկով ու սոխով զանգվածը լցնում ենք հավի կրծքամսի մեջ, այն զգուշորեն փաթաթում ենք ռուլետի նման և այն երեք տեղից թելով կապում ենք:

5. Այն տեղադրում ենք թավայի մեջ ու վրան ավելացնում մի փոքր կարագ ու դնում ջեռոցը, մոտ 200-250 աստիճան տաքությամբ: Այն պատրաստ կլինի 20-30 րոպեի ընթացքում:





6.Երբ զգաք, որ համարյա պատրաստ է, վերջին 5 րոպեների ընթացքում, հանեք ջեռոցից վրան քերեք պանիրը և նորից դրեք ջեռոցը: Երբ պանիրը հալվի, ուրեմն այն պատրաստ է արդեն:






7. Մատուցեք այն տաք վիճակում, շատ համեղ է լինում բրնձի կամ կարտոֆիլի հետ, դա էլ ըստ ձեր ճաշակի:

ԲԱՐԻ ԱԽՈՐԺԱԿ