Ես շատ եմ սիրում հավի կրծքամիսը պատրաստել տարբեր ձևերով, սա իմ իմպրովիզն է, այսինքն հենց իմ ռեցեպտը իմ խոհանոցից: Սա շատ հետաքրքիր ձևով համեղ է և ով, որ սնկի իսկական սիրահար է, ապա անտարբեր չի կարող լինել այս ճաշատեսակի նկատմամբ: Իմ սնկերի ներսի կողմը սև էր այդ իսկ պատճառով շատ ախորժելի տեսք չունի պատրաստածս, բայց հավատացնում եմ, որ շատ համեղ էր: Երեկոյան սա պատրաստեցի ու այդ իսկ պատճառով չկարողացա շատ լուսանկարել, որի համար իմ ներողությունն եմ հայտնում:
ԲԱՂԱԴՐՈՒԹՅՈՒՆԸ
1կգ հավի կրծքամիս200-300գ պանիր
0.5կգ սունկ /ցանկալի է շամպինիոն/
5ճգ ձեթ
1բ գինի կամ 1բ ջուր 1ճգ քացախով խառնած
աղ
սև պղպեղ
1. Կրծքամիսը ծեծել հատուկ լանգետի ծեծիչով, աղով ու պղպեղով համեմել:
2. Այնուհետև ձեթով թավայի մեջ այն տապակել այնքան, որ կարմրի:
3. Այնուհետև պատրաստի տապակած մսի կտորները շարում ենք ջեռոցի լայն թավայի մեջ, վրան շարում ենք սնկերն այնպես, որ գլխիկների փոսիկները մեզ երևան ու վրան լցնելով գինին կամ քացախով ջուրը դնում ենք 200 աստիճան տաքացրած ջեռոցը 10-20 րոպե: Երբ զգում ենք, որ սնկերի փոսիկներում ջուր է լցվել ու նրանք արդեն եփված են հանում ենք, վրան լցնում քերած պանիրը և նորից դնում ջեռոցը: Երբ պանիրը հալվում է, ուրեմն այն պատրաստ է հանում ենք, դասավորում ափսեի մեջ ու մատուցում տաք վիճակում:ԲԱՐԻ ԱԽՈՐԺԱԿ
Kporzem patrastel, tesnem inch durs kga dzen khanem))))
ReplyDelete