SOUP KHARCHO From Georgian Cuisine / ՍՈՒՊ ԽԱՐՉՈ

Սուպ Խարչոն վրացական ազգային սուպ է, որի անվանումն իմ կարծիքով չի արտացոլում նրա հրաշալի համը....
Նկարագրեմ Սուպ Խարչոյի պատրաստումը.
Վերցնում ենք.

0.5 կգ տավարի միս

100 գ ընկույզ

1 լոլիկ

2 միջին կամ մեծ չափի սոխ

50գ ձեթ կամ կարագ

3/4 բ. բրինձ

150գ տխեմալի

2-3 հատիկ սխտոր
2թ.գ. սունելի-խմելի

0.5թ.գ. շաֆրան

1թ.գ. կարմիր պղպեղ /կարելի է նաև կծու/

0.5թ.գ. սև պղպեղ

3լ ջուր

3/4 տրցակ համեմ

Նախ մանր կտրատում ենք տավարի փափուկ միսն ու 3լ ջրով դնում կրակին եփվելու մոտ 1.5-2 ժամ, մինչև մսի եփելը:






Այնուհետեև ավելացնում ենք բուլյոնին բրինձը ու թողնում եփվի մոտ 10 րոպե: Եթե զգաք, որ ջուրը շատ է գոլորշիացել, ավելացրեք ևս 0.5-1 բաժակ ջուր, դուք կզգաք ըստ թանձրության:

Այդ ընթացքում մանր կտրատում ենք սոխը և թավայի մեջ սոխառած ենք անում, սոխը երբ մի փոքր դեղնում է ավելացնում ենք քերած լոլիկը, ու թողնում եփվի 3-4 րոպե, այնուհետև այդ զանգվածը լցնում ենք մեր սուպի վրա:

Սուպին ենք ավելացնում մանրացրած ընկույզը , ես այն մանրացրեցի իմ քերիչով, այն շատ հարմար է, բայց կարելի է օգտագործել բլենդեռի աղացը կամ վերջին դեպքում մանրացնել դանակով :

Ավելացնում ենք վրացական տխեմալին /որն ի դեպ վաճառվում է մեր խանութներում/, այստեղ շատ լավ կլիներ ավելացնել նաև թթու սալորաչիր մոտ 6-7 հատ,  բայց ես չունեի :(




Այնուհետև մյուս բոլոր համեմունքները` սունելի-խմելին, շաֆրանը, սև և կարմիր պղպեղները և ճզմած սխտորը:





5 րոպե այս բոլորը եփվելուց հետո կտրատեք համեմը ու լցնելով` սուպին կրակից վերցրեք:
Ձեր սուպն արդեն պատրաստ է, այն մատուցեք տաք վիճակում:

ԲԱՐԻ ԱԽՈՐԺԱԿ