Gugelhopf, German Easter Cake / Գուգելհոֆ, Գերմանական Զատիկի Կեքս

Ներկայացնում եմ կեքս, որը գերմանացիները զատիկի ժամանակ են պատրաստում:   

ԲԱՂԱԴՐՈՒԹՅՈՒՆԸ /10 հոգու համար/

Մի պտղունց աղ

Չոր խմորիչ 7 գ

Կաթ 150 մլ

Ալյուր 300գ

1 Նարինջ

Շաքար 100գ

Ձու 1 հատ

Կարագ 140գ

Չամիչ 75գ

Նուշ 30գ

Շաքարի փոշի ցանելու համար

1.Տաք կաթի մեջ բացել խմորիչը: Ավելացնել մի քիչ ալյուր և լավ խառնել: Ես միքսեռով խառնեցի, որ լավ միասեռ դառնա: Այնուհետև ծածկել և 1 ժամ թողնել:

2.Նարինջը մաքրել, քամել հյութը: Մնացած ալյուրի մեջ ավելացնել աղը, շաքարավազը, ձուն, կարագը /կարագը նախորոք հանել սառնարանից փափկելու համար/, նարինջի հյութը և խմորիչով ստացված զանգվածը: Խմոր հունցել, ծածկել և թողնել ևս 1 ժամ:

3.Չամիչը լվանալ, վրան եռման ջուր լցնել և թողնել 10 րոպե: Խմորին ավելացնել չամիչը և նարինջի կեղևը, նորից լավ խառնել: Նուշի վրա եռացրած ջուր լցնել, թողնել 10 րոպե, այնուհետև մաքրել: Ֆորման ցողել ձեթով, լցնել նուշը,  հետո խմորը և մի քիչ թողնել:

4.Ջեռոցը տաքացնել 200°С: Թխել կեկսը 30 րոպե: Ճիշտն ասաց, ռեցեպտում գրված էր 45 րոպե, որի պատճառով քիչ էր մնում ես վառեի իմ թխվածքը: Խորհուրդ եմ տալիս կես ժամից հետո շուտ-շուտ հետևել, թե երբ պատրաստ կլինի:

5. Մատուցելուց առաջ վրան ցանել շաքարի փոշի