Summer dish with eggplant/ Սմբուկով ամառային ուտեստ

Ինձ մտահոգում էր, թե կոնկրետ ինչ կարող եմ պատրաստել որպես առաջին կերակուր: Բայց հանգամանքներն իրենցը թելադրեցին, հյուրեր ունեցա ու այդպես էլ չկարողացա հասցնել գնալ մեր մոտակա Super Market և ստիպված բավարարվեցի տան եղածով :)

 

ՈՒրեմն վերցրեցի

3 սմբուկ

1 դդմիկ

1 մեծ գլուխ սոխ

2 հատիկ սխտոր
2 պղպեղ

2 լոլիկ

խառը կանաչի /ավելի կոնկրետ համեմ, մաղադանոս ու ռեհան/:

Սկզբում կտրատեցի սմբուկները

ինչպես նկարում է, այսպես կտրատելը շատ արագ է ստացվում, դդմիկները ու պղպեղները նույն կերպ: Այս բոլորը լցվեցին թավայի մեջ, որտեղ արդեն լցրել էի ձիթապտղի յուղ կոնկրետ իմը /արևածաղկի/ու դրեցի կրակին:Կրակին դրված ժամանակ հանկարծ պետք չէ մոռանալ նրան, նրան երբեմն-երբեմն պետք է խառնել:

Այդ ընթացքում լոլիկները քերիչով/տյոռկայով/ անցկացրեցի, այս մեթոդը սովորել եմ իմ սկեսրոջից, որպեսզի ազատվեմ լոլիկի կճեպից առավել հարմար է կիսել մեջտեղից ու քերիչով անցկացնել, այդպես ամբողջովին մանրացված ստանում ենք մեր լոլիկի պարունակությունը: Մանրացված լոլիկը լցրեցի թավայի պարունակությանը աղով համեմեցի, ավելացրեցի ճզմած սխտորները ու լավ խառնելուց հետո թողեցի շարունակվի եփվել: Այդ ընթացքում կտրատեցի սոխը ու ավելացրեցի մասսային: Մոտ 10 րոպե կրակին մնալուց հետո ավելացրեցի կտրատած կանաչին ու կրակից վերցրեցի: 
Բարի Ախորժակ