Monday, February 20, 2012

Eskimo Cake / Տորթ Էսկիմո

Այս տորթը շատ համեղ է և յուրահատուկ կրեմ ունի, այն շատ թեթև ու արտասովոր էր, իսկ գլազուրի հետ իսկապես հիշեցնում էր Էսկիմո պաղպաղակը:
Ես այն պատրաստեցի կլոր տարայի մեջ, քանի որ իմ փոքրիկի 3 ամսեկանի պատվին էր և ես պիտի տորթի վրա մոմեր շարեի, բայց սա ավելի ճիշտ է պատրաստել ջեռոցի ուղղանկյունի թավայի մեջ, որ հավասարաչափ կտորների բաժանելը հեշտ լինի:

ԲԱՂԱԴՐՈՒԹՅՈՒՆԸ


Խմորի համար /սովորական կակաոով բիսկվիթ է/


4ձու
3ձվի սպիտակուց 
1 բաժակ շաքարավազ
բաժակ մածուն
1,5 թեյի գդալ սոդա
3 ճաշի գդալ կակաո
50 գրամ կարագ կամ բուսայուղ
2-3 բաժակ ալյուր


Կրեմ


3 ձվի դեղնուց
1,5 բաժակ կաթ
1,5 բաժակ շաքարավազ
1,5 ճաշի գդալ ալյուր կամ օսլա
250 գրամ կարագ
1 պտղունց վանիլին


 Ջնարակ /глазурь/ 

100գ մաքուր շոկոլադ
1ճաշի գդալ կակաո 
0.4 բաժակ կաթ
50 գրամ կարագ

1. 4 Ձվերը 1բաժակ շաքարավազի հետ հարում ենք, մածունի մեջ լցնելով սոդան` ավելացնում   ենք մասսային, այնուհետև կակաոն, բուսայուղը կամ կարագը: Այնուհետև կրեմի համար նախատեսված 3 ձվի դեղնուցներն առանձնացնում ենք սպիտակուցներից ու դնում մի կողմ, իսկ սպիտակուցները 0,5 բաժակ շաքարավազով պատրաստում ենք բեզե ու քիչ-քիչ  խառնում խմորին, որից հետո միայն ավելացնում ենք ալյուրը. մասսան պետք է լինի թթվասերից մի փոքր թանձր: Այս չափի խմորը նախատեսված է ջեռոցի մեծ թավաների կամ 28-30սմ տրամագծով կլոր թավայի համար:



2. Յուղում կամ ձեթում եք թխվելիք թավան կամ յուղաթուղթը և խմորի զանգվածը լցնում մեջը: Թխեք 180-200 աստիճան տաքությամբ ջեռոցում մոտ 30 րոպե:



3. Բիսկվիթը երբ ուռչում է, լուցկու կամ ատամի մաքրիչի միջոցով ստուգեք, եթե այն բոլոր կողմերից եփված է, հանեք ջեռոցից և առանձնացրեք թավայից քանի դեռ չի սառչել, եթե յուղաթղթի վրա եք եփել, ուրեմն արագ տաք վիճակում պոկեք թուղթը և դրեք մի կողմ խմորը սառչի:





 4. Կրեմի պատրաստման համար շաքարավազն ու ձվի դեղնուցները լավ հարում ենք, ավելացնում ալյուրը, նորից հարում,    այնուհետև ավելացնում ենք կաթը, միատարր զանգված ստանալով` այն լցնում ենք հաստ հատակով կաթսայի կամ թավայի մեջ ու ցածր կրակի վրա դնում:  Կրակին անընդհատ խառնում ենք, մինչև եռալը, այն պնդանալու է և բլբլթա, այդ ժամանակ հեռացնում ենք կրակից և թողնում սառչի: 





5. Երբ սառում է եփված կրեմի զանգվածը, կարագը թասի մեջ լավ հարում եք և գդալ առ գդալ ավելացնում եփվածը, վերջում ավելացրեք վանիլինը:




6. Ամբողջ կրեմը հաստ շերտով /մոտ 0.5 սմ/ քսեք մեր սառած բիսկվիթի շերտի վրա, հարթ լինելու համար վերցրեք երկար դանակ և հակառակ կողմով հարթացրեք կրեմը:




7. Ջնարակի /глазурь/ պատրաստման շատ եղանակներ կան տարբեր համերով, սակայն այս մեկը հիշեցնում է հենց էսկիմո պաղպաղակի շոկոլադե ջնարակի համը: Կաթը լցնում եք հաստ հատակով տարայի մեջ ու ավելացնում կտորների բաժանած շոկոլադը: Շոկոլադի հալչելուց ավելացրեք կակաոն ու կարագը ու լավ հարեք մինչ եռալը, հենց եռա վերցրեք կրակից ու թողեք սառչի:


8. Երբ մեր ջնարակը սառչում է այնքան, որ մատով հպվելուց շատ աննշան գոլ լինի ու դեռ հասցրած չլինի պնդանալ, լցնում ենք մեր հարթ քսած կրեմի վրա ու զգուշությամբ տարածում ողջ տորթի վրա:






ԲԱՐԻ ԱԽՈՐԺԱԿ









11 comments:

  1. Լիլ, ինչ հարթ, սիրուն տեսք ունի:) Իդեալական գլազուր ես ստացել!!!

    ReplyDelete
  2. Ագ ջան կախված է գլազուրի տաքության աստիճանից:

    ReplyDelete
  3. Lil jan es aysor patrasteci ays xmorexene, asem vor shaaaaaaaaaat hamova yurahatuk krem uni shat hesht stacvec u bavakanin arag:) jishtn asat skzbum mtateci erkar jamanak e pahanjum ays xmorexene,bayc ayn shat arag ev hesht e patrastele:), shat apres Lil jan inchpes misht du ognum es mez xohanocum :)***

    ReplyDelete
  4. Isk es andzamb Liliti patrastatsn em kerel. Anmahakan ham, nenc vor chamacheci 2rd ktorn el kera, heto amacheci 3rd utem :))))

    ReplyDelete
  5. Շատ շնորհակալ եմ և ուրախ, որ հավանել եք և օգնել եմ Ձեզ Ձեր խոհանոցում )))

    ReplyDelete
  6. Կասեք կրեմի համար 200գր կարագ է անհրաժեշտ? Ճիշտ հասկացա?

    ReplyDelete
  7. Nerexutyun 12 bajak matun? Chisht e.grvats?

    ReplyDelete
  8. shnorhakalutyun.shatt hamex baxadratoms er

    ReplyDelete
  9. Շատ շնորհակալ եմ,Լիլիթ ջան,մատչելի նկարագրության համար,ես սկսնակ եմ խմորեղեն պատրաստելու հարցում,ու շատ հաջող ստացվեց/արդեն 2-րդ անգամ եմ օգտվում Ձեր բլոգից...միշտ հետևելու եմ

    ReplyDelete
  10. Isk ete karagi poxaren yux lcnenq
    Isk kati poxaren jur inch klini?

    ReplyDelete

Գրեք ձեր մեկնաբանությունները...
Մեկնաբանությունը հրապարակելու համար անհրաժեշտ է «Comments as:» տողում ընտրել էլ.փոստի հասցեով գրանցման առաջարկվող տարբերակներից մեկը, կամ այն հրապարակել «Անանուն» (Anonymous) տարբերակով ու վերջում սեղմել Post comment կոճակը։ Preview կոճակը թույլ է տալիս տեսնել մեկնաբանության ընդհանուր տեսքը մինչև այն հրապարակելը։